აშშ-ის ახალი ელჩი რობინ დანიგენი საქართველოშია

აშშ-ის ახალი ელჩი რობინ დანიგენი საქართველოშია - დიპლომატის ჩამოსვლის შესახებ ცნობა საელჩომ გაავრცელა. ჯო ბაიდენმა საქართველოში საგანგებო და სრულუფლებიანი ელჩის თანამდებობაზე დანიგენის კანდიდატურა 14 იანვარს წარადგინა. რობინ დანიგენი დამტკიცებამდე ცენტრალური და აღმოსავლეთ ევროპის საკითხებში სახელმწიფო მდივნის თანაშემწის მოადგილედ მუშაობდა. 2018-2021 წლებში იყო ავსტრიაში აშშ-ის დიპლომატიური მისიის ხელმძღვანელის მოადგილე, სახელმწიფო დეპარტამენტში კი ის 1992 წლიდან მუშაობს. დიპლომატი ასევე მსახურობდა აშშ-ის საელჩოებში ვიეტნამში, ჩილეში, თურქეთში, კუბასა და სალვადორში. რობინ დანიგენმა საქართველოში კელი დეგნანი შეცვალა, რომელიც საქართველოში აშშ-ის ელჩის პოზიციას 2020 წლიდან იკავებდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.