მედიაწიგნიერების კვირეული შემაჯამებელი კონფერენციით დაიხურა

კომუნიკაციების კომისიის მიერ ორგანიზებული მედიაწიგნიერების გლობალური კვირეული, დაინტერესებულ მხარეებთან ერთად შემაჯამებელი კონფერენციით დაიხურა. მონაწილეებმა ქვეყანაში მედიაწიგნიერების განვითარების მნიშვნელობასა და ამ მიმართულებით არსებულ გამოწვევებზე ისაუბრეს. კომუნიკაციების კომისიის წევრმა, ნათია კუკულაძემ მედიაწიგნიერების განვითარების მიმართულებით, კომისიის მიერ განხორციელებულ პროექტებსა და სამომავლო გეგმებზე, მედიაწიგნიერების პოლიტიკასა და მნიშვნელობაზე, ასევე, დაინტერესებულ მხარეებს შორის კოორდინაციის როლზე გაამახვილა ყურადღება. შემაჯამებელი კონფერენციის ერთ-ერთი პანელი მედიის თანამედროვე გამოწვევებს, დეზინფორმაციას, სიტყვის თავისუფლებასა და მიუკერძოებლობის სტანდარტებს დაეთმო. კონფერენციაზე კომუნიკაციების კომისიამ მედიაწიგნიერების ონლაინ პლატფორმის პრეზენტაცია გააკეთა, რომელიც ევროპის საბჭოს დაფინანსებით შეიქმნა.    ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.