ახალი აღჭურვილობა აჭარის დახმარების ცენტრებში

ბათუმისა და ქობულეთის სასწრაფო სამედიცინო დახმარების ცენტრებს ახალი სპეცმანქანები შეემატა. მაღალი გამავლობის ავტომობილები დაწესებულებას ჯანდაცვის მინისტრმა ეკატერინე ტიკარაძემ გადასცა. ღონისძიებას აჭარის მთავრობის თავმჯდომარე და გადაუდებელ სიტუაციათა მართვის სამსახურის ხელმძღვანელი ესწრებოდნენ. 8 ავტომობილი ბათუმის სასწრაფო სამედიცინო ცენტრს გადაეცა, ერთი კი ქობულეთს. თანამედროვე და კეთილმოწყობილ პირობებში მუშაობის უზრუნველყოფის მიზნით, ხულოსა და ქედაში სასწრაფო დახმარების ახალი ოფისების მშენებლობაც არის დაგეგმილი. ბათუმში რესპუბლიკური საავადმყოფოს ყოფილი შენობის ტერიტორიაზე კი ბათუმის სასწრაფო სამედიცინო დახმარების ახალი ოფისი აშენდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.