დაშავებულების ჯანმრთელობის მდგომარეობა

ღამით აქციაზე დაშავებულების ნაწილი ამ დრომდე საავადმყოფოში რჩება. უმეტესობას დაჟეჟილობები და მოტეხილობები აღენიშნება. ნაწილს ქირურგიული ჩარევა დასჭირდა. რუსთაველის გამზირიდან სასწრაფო სამედიცინო დახმარების ბრიგადებმა კლინიკებში ჯამში 33 ადამიანი გადაიყვანეს. მათ შორის შინაგან საქმეთა სამინისტროს 16 თანამშრომელი, 13 აქციის მონაწილე. დაშავდა მედიის 20-ზე მეტი წარმომადგენელი. რუსთაველის გამზირზე აქციის მიმდინარეობისას დაშავდა საქართველოს პირველი არხის თანამშრომელი დავით ბეჟანიშვილი, სახის ძვლის მოტეხილობით ინგოროყვას კლინიკაში რჩება „ფორმულას“ ჟურნალისტი გურამ როგავა. აქციის გაშუქებისას დაზიანება მიიღო „პუბლიკას“ ჟურნალისტმა ალექსანდრე ქეშელაშვილმა, ასევე „რადიო თავისუფლების“ ჟურნალისტმა დავით ცაგარელმა. ნაწილმა კი დაზიანებები წიწაკის სპრეის შედეგად მიიღეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.