ჰუმანიტარული კრიზისი ოკუპირებულ ტერიტორიებზე

ცხინვალის საოკუპაციო რეჟიმი ჭაში ჩავარდნილ და მძიმედ დაშავებულ ქალს სამკურნალოდ თბილისში არ უშვებს. ოკუპირებულ ახალგორში მცხოვრებ თამარ გიგაურს სამედიცინო დახმარება სჭირდება, თუმცა დე-ფაქტო ხელისუფლება ახალგორის ე.წ. გამშვები პუნქტის გახსნაზე უარს ამბობს. ამ დროისთვის დაშავებული ცხინვალის საავადმყოფოში იმყოფება, სადაც ახლობლების თქმით, მას სათანადო სამედიცინო დახმარება არ გაუწიეს. ოჯახი თამარ გიგაურის თბილისში გადმოყვანას ითხოვს, მაგრამ არაღიარებული რეჟიმი მათ ე.წ. საზღვრის გადმოკვეთის უფლებას არ აძლევს. ოფიციალური თბილისის და საერთაშორისო ორგანიზაციების მოწოდებების მიუხედავად, საოკუპაციო რეჟიმი ზაფხულიდან ჩაკეტილ ახალგორის ე.წ. გამშვებ პუნქტს მაინც არ ხსნის. დე-ფაქტო ხელისუფლების უკანონო გადაწყვეტილებას უკვე ემსხვერპლა ახალგორის მკვიდრი 70 წლის ქალი, რომელიც რამდენიმე დღის წინ ცხინვალის საავადმყოფოში გარდაიცვალა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.