დაკავება არასრულწლოვანის თვითმკვლელობამდე მიყვანის ბრალდებით

შინაგან საქმეთა სამინისტროს თანამშრომლებმა ოზურგეთში 22 წლის ახალგაზრდა თვითმკვლელობამდე მიყვანის ბრალდებით დააკავეს. გამოძიებით დადგინდა, რომ ბრალდებულმა ოზურგეთის მუნიციპალიტეტის სოფელ ნატანებში მცხოვრები 2002 წელს დაბადებული გოგონა „ფეისბუქის“ საშუალებით გაიცნო. მას გოგონასთან გარკვეული დროის განმავლობაში მიმოწერა ჰქონდა. მოგვიანებით, ბრალდებული გოგონას აღნიშნული მიმოწერის მისივე მშობლებისთვის გაგზავნით დაემუქრა, რის შედეგადაც არასრულწლოვანი გოგონა ინტიმური ხასიათის ფოტოსურათების, ასევე ვიდეოკადრების გადაღებაზე და გაგზავნაზე დაითანხმა. მას შემდეგ, რაც გოგონამ გადაღებული ფოტოები და ვიდეომასალა გადაუგზავნა, ბრალდებულმა გოგონას დაშანტაჟება დაიწყო, რის გამოც ამ უკანასკნელმა საკუთარი საცხოვრებელი სახლის ეზოში თავი ჩამოიხრჩო. დაკავებული ჩადენილ დანაშაულს აღიარებს. დანაშაული 2-დან 4 წლამდე პატიმრობას ითვალისწინებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchanne... გამოიწერეთ ჩვენი არხი -    / georgianpb