ხელისუფლებასა და ოპოზიციას შორის დიალოგი იწყება / სამწლიანი სასჯელი ნიკოლა სარკოზის #LIVE

• ხელისუფლებასა და ოპოზიციას შორის დიალოგი იწყება - შეხვედრას, რომელიც დღეს ჩაინიშნა, ქვეყნის პრემიერ-მინისტრი ესწრება; ირაკლი ღარიბაშვილი აცხადებს, რომ მმართველი გუნდი მზადაა, ვითარების დეესკალაციისთვის კონკრეტული ნაბიჯები გადადგას; ევროპული საბჭოს პრეზიდენტის მედიაციით დაწყებული დიალოგის პერსპექტივა და პოლიტიკური შეფასებები; • უპრეცედენტო ვერდიქტი საფრანგეთის უახლეს ისტორიაში და ფრანგული სასამართლოს მსჯავრი საფრანგეთის ყოფილ პრეზიდენტს - კორუფციისა და გავლენის ბოროტად გამოყენებისთვის, ნიკოლა სარკოზი ერთ წელს შინაპატიმრობაში გაატარებს, ორი წელი კი პირობითი მსჯავრი ექნება; ქვეყნის ექს-პრეზიდენტს შინაპატიმრობაში ელექტრონული სამაჯურის ტარება მოუწევს; პროფესიული საიდუმლოს გამჟღავნებისთვის იგივე სასჯელი ერგო სარკოზის ადვოკატ ტიერი ჰერცოგს და მოსამართლე ჟიზბელ აზიბერის; • ვაქცინაციის დაწყების თარიღი კვლავ უცნობია - ჯანდაცვის სამინისტროს ინფორმაციით, შეფერხების მიზეზი ქართული მხარე არ არის და მოწოდების ვადებმა მწარმოებელი კომპანიის მიზეზით გადაიწია; პირველ არხთან გაკეთებულ განცხადებაში „კოვაქს პლატფორმა“ შეფერხების კონკრეტულ მიზეზს არ ასახელებს; ევროპული საბჭოს პრეზიდენტი საქართველოს სრულ მხარდაჭერას უცხადებს და აღნიშნავს, რომ ყველაფერს გააკეთებს, რათა საქართველომ ვაქცინის საჭირო რაოდენობა დროულად მიიღოს; • 2021წლის ევროვიზიაზე საქართველოს შარშანდელი კონკურსანტი, „საქართველოს ვარსკვლავის“ მეორე სეზონის გამარჯვებული, თორნიკე ყიფიანი წარადგენს - ახალი სიმღერა, რომლითაც კონკურსანტი როტერდამში, დიდ სცენაზე წარდგება, სპეციალურად ევროვიზიის კლიპისთვის შექმნილი ქორეოგრაფიული ნომერი თანამედროვე ბალეტის მონაწილეობით და ყველაზე მასშტაბური ვიდეორგოლი, რომლის პრემიერაც მარტის შუა რიცხვებში შედგება; კონკურსის ნახევარფინალური ტურები და ფინალი ტრადიციულად, საზოგადოებრივი მაუწყებლის ეთერით გადაიცემა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.