ნეპალში ავიაკატასტროფის მსხვერპლთა რიცხვი 68-მდე გაიზარდა

ნეპალში ავიაკატასტროფის მსხვერპლთა რიცხვი 68-მდე გაიზარდა. ვრცელდება ინფორმაცია, რომ თვითმფრინავის ჩამოვარდნის შემდეგ, მაშველებმა რამდენიმე ცოცხლად გადარჩენილი ადამიანი აღმოაჩინეს. მათი მდგომარეობა კრიტიკულია და საავადმყოფოში არიან გადაყვანილი. ადგილობრივი მედია წერს, რომ ჩამოვარდნამდე თვითმფრინავი დაბალ სიმაღლეზე მიფრინავდა და პილოტი ცდილობდა ავიაკატასტროფა დასახლებულ ზონასთან არ მომხდარიყო. თვითმფრინავის ბორტზე 68 მგზავრი და ეკიპაჟის 4 წევრი იმყოფებოდა. ნეპალის მოქალაქეების გარდა, თვითმფრინავში ასევე იმყოფებოდნენ ინდოეთის, რუსეთის, სამხრეთ კორეის, ირლანდიის, ავსტრალიის, არგენტინისა და საფრანგეთის მოქალაქეები. „იეთი ეარლაინსის“ თვითმფრინავი კატმანდუდან ტურისტულ ქალაქ პოხარაში მიფრინავდა. თვითმფრინავმა ავიაკატასტროფა აეროპორტიდან კილომეტრნახევარში, დაჯდომისას განიცადა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.