რა უნდოდა ჰესებს მყინვარის ძირში - გეოლოგიის დეპარტამენტის უფროსის აღიარება
11/27/2020
Mtisambebi / მთის ამბები-ის
მიერ
© https://mtisambebi.ge/ - „ლარსი ჰესთან დაკავშირებით, მერაბ გაფრინდაშვილისთვის კი არა, მოხევესთვის რომ გეკითხათ, ის გეტყოდათ, რომ იქ ჰესის აშენება არ შეიძლებოდა. მანდ დიდი კვლევები არც იყო საჭირო. 2014 წლის 17 მაისს, სტიქია რომ მოხდა, ინვესტორმა იქ პირველივე დღეს ამიყვანა. ვკითხე, რამ აგაშენებინათ მეთქი აქ ჰესი. რა ვქნა, ფულია ჩემი, მე ჰიდროლოგი და გეოლოგი არ ვარო“, - ამ სიტყვების ავტორი მერაბ გაფრინდაშვილია, გეოლოგიის დეპარტამენტის უფროსი - სახელმწიფო უწყების, რომელიც ქვეყანაში პასუხისმგებელია სტიქიური გეოლოგიური პროცესების შეფასებაზე, საშიშროების რისკების განსაზღვრაზე, გართულებებისას ოპერატიულ რეაგირებაზე. სწორედ ამ დეპარტამენტს ევალება გარემოზე ზემოქმედების შეფასების ანგარიშების გეოლოგიურ ნაწილზე საექსპერტო დასკვნების მომზადება, რომლის გარეშეც ან უარყოფითი დასკვნის შემთხვევაში, მშენებლობის ნებართვა ვერ გაიცემა.
