საქართველოს ევროპული პერსპექტივა

აღმოსავლეთ პარტნიორობის მომავალი და ევროკავშირში გაწევრიანების პერსპექტივა - ასე ჰქვია დოკუმენტს, რომელიც ღია საზოგადოების ფონდის ინიციატივით, საგარეო პოლიტიკაზე მომუშავე 5-მა ანალიტიკურმა ორგანიზაციამ მოამზადა. მისი  პრეზენტაცია ამ წუთებში მიმდინარეობს. დოკუმენტი აღწერს, როგორ უნდა შეიცვალოს აღმოსავლეთ პარტნიორობა ისე, რომ მან მონაწილე ქვეყნების მოლოდინი გაამართლოს. ასევე, საუბარია იმაზე, როგორ უნდა შეუწყოს ხელი ევროკავშირმა საქართველოსა და აღმოსავლეთ პარტნიორობის პროგრამაში მონაწილე ქვეყნების ეკონომიკურ განვითარებას, ლეგალურად დასაქმებას ევროპაში და განათლების რეფორმას. გარდა ამისა, სამოქალაქო საზოგადოებამ ევროკავშირის მიმართ რეკომენდაციებიც მოამზადა. მათ შორის საუბარია იმაზე, რომ აღნოსავლეთ პარტნიორობის პროგრამა ახალი მიდგომებისა და მიმართულებების ჩამოყალიბებას საჭიროებს. დოკუმენტში ნათქვამია, რომ საქართველოში მნიშვნელოვან გამოწვევას წარმოადგენს არარეგულარული მიგრაცია, ე.წ. ტვინების გადინების პროცესი, ევროსკეპტიციზმისა და პოპულიზმის მზარდი ტენდენცია, რომელსც ემატება რუსეთის პირდაპირი თუ ირიბი გავლენები.  დოკუმენტი მომზადდა იმ კონსულტაციების საპასუხოდ, რომელიც ზაფხულში ევროკავშირმა აღმოსავლეთ პარტნიორობის მომავალთან დაკავშირებით, საქართველოს საზოგადოებრივ ორგანიზაციებთან დაიწყო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.