ტერაქტი ბარსელონაში - #მოამბის სატელეფონო ჩართვა შემთხვევის ადგილიდან

17.08.2017 08:01

პირველი არხი Georgian Public Broadcaster

არხი

ესპანური მედიის ცნობით, 2 ადამიანი დაიღუპა და 20-მდე დაშავდა ბარსელონაში მომხდარი ტერაქტის შედეგად. რამბლას მოედანზე ფურგონი ფეხით მოსიარულეებს დაეჯახა. ესპანური გამოცემა El Nacional-ის ინფორმაციით, სამართალდამცველები ამ დროისთვის ფურგონის მძღოლს ეძებენ, რომელმაც შემთხვევის ადგილიდან გაქცევა შეძლო. ამ შემთხვევის შემდეგ კი ბარსელონაშივე ორი შეიარაღებული მამაკაცი რესტორანში შეიჭრა. ესპანეთში საქართველოს ვიცე-კონსული ლია ახბედაშვილის განცხადებით, ამ დროისთვის არსებული ინფორმაციით დაშავებულებს შორის საქართველოს მოქალაქეები არ არიან. მომხდარ ტერორისტულ აქტთან დაკავშირებით ბარსელონაში საქართველოს საკონსულოში მოქმედებს ცხელი ხაზი: +34687661274. ასევე 24 საათიანი ცხელი ხაზი მოქმედებს საგარეო საქმეთა სამინისტროს საკონსულო დეპარტამენტში: (+995 32) 294 50 50. #მოამბის კორესპონდენტები აკაკი შენგელია და რატი ხვისტანი შემთხვევის ადგილიდან ბოლო ინფორმაციით.

გაზიარება: