ბრალის წარდგენა

გაუფრთხილებლობით სიცოცხლის მოსპობის და სამსახურებრივი უფლებამოსილების გადამეტების მუხლებით ბრალი ოფიციალურად წარედგინა პოლიციელს, რომლის ტყვიასაც წყნეთში მამაკაცის სიცოცხლე ემსხვერპლა. ძველი თბილისის მეოთხე განყოფილების უფროს დეტექტივს, ერიკ წურწუმიას ბრალი ავჭალაში მდებარე შსს-ს დროებითი მოთავსების იზოლატორში გააცნეს. მისი ადვოკატის ინფორმაციით, ბრალდებული არ გამოუკითხავთ, ბრალთან დაკავშირებით მისი პოზიცია უცნობია. ადვოკატის თქმით, დაკავებული პოლიციელი საკუთარ პოზიციას სასამართლოში დააფიქსირებს, რომელიც სავარაუდოდ დღეს გაიმართება. ერიკ წურწუმია 18 აპრილს დააკავეს. გამოძიების ინფორმაციით, დაკავების დროს მას გაუფრთხილებლობით გაუვარდა იარაღი, რამაც ზურაბ გველესიანის სიცოცხლე იმსხვერპლა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.