აქცია რუსთაველის გამზირზე

რუსთაველის გამზირი პროტესტის ადგილად რჩება.

პარლამენტის წინ საპროტესტო აქცია ამ წუთებშიც მიმდინარეობს. რამდენიმე მედია საშუალების მიერ ორგანიზებულ შეკრებაზე იმყოფებიან სამოქალაქო აქტივისტები და სხვადასხვა პოლიტიკური ძალის ლიდერებიც. მოთხოვნა უცვლელი რჩება - ადგილზე შეკრებილები 5 ივლისს განვითარებული მოვლენების და მედიაზე ძალადობრივი თავდასხმების გამო პრემიერ-მინისტრის და მთელი მთავრობის გადადგომას მოითხოვენ. ამ მოთხოვნის დასაკმაყოფილებლად ხელისუფლებას ვადა დღის 12 საათამდე ჰქონდა მიცემული. სიტყვით გამოსვლები ახლაც გრძელდება. ადგილზე მყოფი მედიის წარმომადგენლები პრემიერ-მინისტრს გადადგომისკენ მოუწოდებენ და ამ მოთხოვნის დაკმაყოფილებამდე აქციების გაგრძელებას აანონსებენ. 

რუსთაველის გამზირზე მიმდინარე აქციას „მოამბის“ ჟურნალისტი ნოდარ ჩაჩუა აშუქებს.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://bit.ly/2WZv1qY
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.