ვითარება ბახმუტში

ბახმუტი კვლავ საბრძოლო მოქმედებების ეპიცენტრია - ამის შესახებ უკრაინის შეიარაღებული ძალების გენშტაბი აცხადებს. მათი ინფორმაციით, რუსეთის ძალისხმევა კუპიანსკის, ლიმანის, ბახმუტის, ავდეევკისა და მარიინკის მიმართულებებზეა კონცენტრირებული. გასული დღე-ღამის განმავლობაში, ფრონტის აღნიშნულ მონაკვეთებზე 53 საბრძოლო შეტაკება მოხდა. უკრაინის თავდაცვის სამინისტროს ცნობით კი, კრიტიკული სიტუაციის მიუხედავად, უკრაინელი სამხედროები ცალკეულ ობიექტებს აკონტროლებენ. შეგახსენებთ, რომ გუშინ, კერძო სამხედრო კომპანია „ვაგნერის“ დამფუძნებელმა ევგენი პრიგოჟინმა განაცხადა, რომ რუსეთის ძალებმა ბახმუტი სრულად დაიკავეს. მოგვიანებით ამის შესახებ რუსეთის თავდაცვის სამინისტრომაც განაცხადა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.