პარლამენტის ბიუროს სხდომა

პარლამენტში ბიუროს სხდომა დღეს 15:00 საათზეა ჩანიშნული. დღის წესრიგში სოფო ქაცარავას უფლებამოსილების შეწყვეტის საკითხია. მან მანდატი პროპორციულ საარჩევნო სისტემაზე გადასვლასთან დაკავშირებით, პროექტის ჩავარდნის შემდეგ დატოვა. საკანონმდებლო ორგანოში მისი ჩანაცვლება „ქართული ოცნების“ მომდევნო წევრს ბენედიქტ ქაშაკაშვილს შეუძლია. იმ შემთხვევაში კი, თუ ის მანდატზე უარს იტყვის, სიაში მომდევნო პაატა გოგიხიაა. დღესვე კიდევ ერთი ადგილმონაცვლის საკითხი დადგება, კერძოდ, ბიურო თემურ გოცირიძის უფლებამოსილების ცნობის საკითხს დააყენებს. ის ვანო ზარდიაშვილს შეცვლის. განხილვისთვის ბიუროს ასევე წარედგინა ახალი ფრაქციის დოკუმენტაცია, რომელსაც „ქართული ოცნებიდან“ წასული 6 დეპუტატი ქმნის. მისი ხელმძღვანელი განათლების კომიტეტის ყოფილი თავმჯდომარე მარიამ ჯაში იქნება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.