OSCE/ODIHR-ის განცხადება

შუალედური ანგარიშით ეხმაურება უზენაესი სასამართლოს მოსამართლეობის მსურველი კანდიდატების შესარჩევ პროცესს ეუთო-ს დემოკრატიული ინსტიტუტებისა და ადამიანის უფლებათა ოფისი. მიუხედავად საკანონმდებლო ცვლილებებისა, რომლის შედეგადაც კანდიდატების შერჩევა საჯარო გახდა, ოდირის ანგარიშის მიხედვით, პროცესში დაფიქსირდა არსებითი ხარვეზები. მათ შორის, ორგანიზაცია ანგარიშში მიუთითებს, რომ შერჩეულ 20 კანდიდატს შორის არ აღმოჩნდა სიაში ყველაზე მაღალი ქულების მქონე ხუთი კანდიდატი. ოდირის დამკვირვებლებმა დააფიქსირეს მნიშვნელოვანი განსხვავება კანდიდატებისთვის კითხვების დასმისა და მათ მიმართ მოპყრობის თვალსაზრისით. ორგანიზაცია მოუწოდებს პარლამენტს, კრიტიკულად განიხილოს იუსტიციის უმაღლეს საბჭოსთან პროცესი და გადადგას ნაბიჯები გამოვლენილი პროცედურული ნაკლოვანებების აღმოსაფხვრელად, რათა უზრუნველყოფილი იყოს პროცესისადმი ნდობა და შედეგად საუკეთესო კანდიდატები შეირჩნენ დამსახურების საფუძველზე. რაც შეეხება გაშუქებას, ანგარიშში მითითებულია, რომ  მოსმენების მიმდინარეობას სოციალურ მედიაში საზოგადოებრივი მაუწყებელი პირდაპირ ეთერში გადასცემდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.