თანამშრომლობის მემორანდუმი აუდიტის სამსახურსა და USAID-ს შორის

სახელმწიფო აუდიტის სამსახური, USAID-ის  მიერ დაფინანსებული სახელმწიფო პროექტების აუდიტებს ჩაატარებს. აშშ-ის საერთაშორისო განვითარების სააგენტო,  მსოფლიო ბანკის შემდეგ მეორე საერთაშორისო ორგანიზაციაა, რომლის პროექტების აუდიტს სახელმწიფო აუდიტის სამსახური განახორციელებს. შემდგომი თანამშრომლობის მემორანდუმს ხელი გენერალურმა აუდიტორმა ირაკლი მექვაბიშვილმა და  საქართველოში USAID-ის  მისიის დირექტორმა პიტერ ვიბლერმა მოაწერეს. სახელმწიფო აუდიტის სამსახურმა წარმატებით გაიარა აშშ-ის საერთაშორისო განვითარების სააგენტოს ხარისხის პროცედურა და აღიარებული იქნა სამხრეთ კავკასიის რეგიონში USAID-ის მიერ დაფინანსებული პროექტების აუდიტორად. მემორანდუმში აღნიშნულია, რომ მხარეები ერთობლივად იმუშავებენ ერთი მხრივ სახელმწიფო აუდიტის სამსახურის ინსტიტუციურ გაძლიერებაზე  და მეორე მხრივ, USAID-ის  - მიერ დაფინანსებული მთავრობათაშორისი აქტივობების ფინანსური აუდიტის მიმართულებით. სახელმწიფო აუდიტის სამსახურს, საერთაშორისო პროექტების აუდიტების გამოცდილება უკვე აქვს.  სამსახური 2018 წლიდან მსოფლიო ბანკის აუდიტორია და უკვე მსოფლიო ბანკის მიერ დაფინანსებული პროექტების  მეორე აუდიტზე მუშაობს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.