კანონპროექტი დეოლიგარქიზაციის შესახებ

მწვავე პოლიტიკური დებატების და ოპონენტების წინააღმდეგობის მიუხედავად, დეოლიგარქიზაციის შესახებ კანონპროექტი პირველი მოსმენით მიღებულია. 80 მომხრე, ცხრა წინააღმდეგი - ამ შედეგით დასრულდა კენჭისყრა იმ პროექტის გარშემო, რომელიც უკრაინაში უკვე დამტკიცებული კანონის იდენტურია. იმ არგუმენტით, რომ ოლიგარქის ცნება უნივერსალურია და უკრაინულ კანონს ევროკომისიის მაღალი შეფასება აქვს, „ქართულმა ოცნებამ“ უკრაინული კანონმდებლობა პირდაპირ თარგმნა. თუ სადავო პროექტი სამივე მოსმენით დამტკიცდება, საქართველოში ოლიგარქად ჩაითვლება და გარკვეული შეზღუდვები დაწესდება ყველა იმ პირის მიმართ, რომელიც პოლიტიკურ პროცესებშია ჩართული, მედიასაშუალებებზე გავლენით სარგებლობს ან ბაზარზე მის კომპანიას დომინანტის როლი აქვს. საპარლამენტო ოპოზიციის ნაწილის აზრით, უკრაინული კანონის ქართული ანალოგი ევროკომისიის მეხუთე პუნქტის მოთხოვნას ვერ პასუხობს, ოპონენტების მეორე ნაწილი კი დანარჩენი რეკომენდაციების შესრულების შემთხვევაში ამ კანონის დამტკიცების აუცილებლობას საერთოდ ვერ ხედავს.   ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.