ვითარება უკრაინაში

გასული დღე-ღამის განმავლობაში, დონბასში ორი უკრაინელი სამხედრო გარდაიცვალა, ოთხი კი დაშავდა. 19 თებერვლის მონაცემებით, დღე-ღამის განმავლობაში დონბასში პრორუსმა ძალებმა ცეცხლის შეწყვეტის რეჟიმი 136-ჯერ დაარღვიეს. ინფორმაციას უკრაინის გაერთიანებული ძალების ოპერაციის შტაბი ავრცელებს. როგორც უკრაინის ეროვნული უსაფრთხოებისა და თავდაცვის საბჭოს მდივანი აცხადებს, სროლის შედეგად რამდენიმე დასახლებაში დაზიანდა წყალმომარაგების სისტემა. მისივე თქმით, სეპარატისტები მოსკოვში დაწერილ სცენარს მიყვებიან. დაძაბული ვითარების ფონზე, რამდენიმე ქვეყანამ საკუთარ მოქალაქეებს უკრაინის დატოვებისკენ მოუწოდა, მათ შორის საფრანგეთმა, გერმანიამ, ავსტრიამ, დიდმა ბრიტანეთმა და შეერთებულმა შტატებმა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.