ხაზარაძე-ჯაფარიძე-წერეთლის საქმე

ე.წ. ფულის გათეთრების ჯაფარიძე-ხაძარაძე-წერეთლის საქმის განხილვა გრძელდება თბილისის საქალაქო სასამართლოში. პროცესზე ჩვენებას შემოსავლების სამსახურის ერთ-ერთი მთავარი აუდიტორი აძლევს. მისი თქმით, კანონის შესაბამისად მას ევალებოდა „თიბისი ბანკის“ მიერ გაცემული რამდენიმე სასესხო ვალდებულების საგადასახადო რევიზია. მოწმის ჩვენებას დარბაზში ხმაური მოჰყვა. ბრალდებულებმა განაცხადეს, რომ საქმეში არ არსებობს მტკიცებულება, რომლის მიხედვითაც, „თიბისი ბანკის“ დამფუძნებლებმა კანონი დაარღვიეს, ან დანაშაული ჩაიდინეს. ბრალდებულები საქმის განახლებას ადგილობრივი თვითმმართველობის მოახლოებულ არჩევნებს უკავშირებენ და აცხადებენ, რომ მედიაზე და პოლიტიკოსებზე ხორციელდება ზეწოლა. საქმეზე ბადრი ჯაფარიძისა და მამუკა ხაზარაძის გარდა, ბრალდებულია „ტვ პირველის“ მფლობელის, ვატო წერეთლის მამა, ავთანდილ წერეთელი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.