„ნაფეხურები წყალზე“ - თარგმანის პრეზენტაცია ნიუ იორკში

ნიუ იორკში, წიგნების ცნობილ მაღაზია „სტრენდში“ დავით მაღრაძის კრებულის, „ნაფეხურები წყალზე“ - ინგლისური თარგმანის პრეზენტაცია გაიმართა. ღონისძიებას შეერთებულ შტატებში მყოფი საქართველოს პრემიერ მინისტრი, საქართველოს ელჩი და მწერლობით დაინტერესებული საზოგადოება დაესწრნენ. კრებულში ავტორის მიერ სხვადასხვა დროს დაწერილი ლექსები და ორი პოემა „ჯაკომო პონტი“და „შენთვის“ მოხვდა. პრეზენტაციაზე მაღრაძის ლექსები ქართულად თავად ავტორმა, ინგლისურად კი ცნობილმა ჟურნალისტმა, ტომ ტაილეტიმ წაიკითხეს. დავით მაღრაძემ განაცხადა, რომ მისი განზრახვა კულტურული საქართველოსკენ სამყაროს შემობრუნებაა. „ნაფეხურები წყალზე“ წინანდლის ფონდს და გამომცემლობა „რეარ ბერდს“ შორის გაფორმებული ხელშეკრულების შედეგია. თანამშრომლობით, რომელსაც მხარს უჭერს საქართველოს საელჩო და გენერალური საკონსულო, ასევე დაგეგმილია ამერიკელი მკითხველისთვის სხვა ქართველი ავტორების გაცნობაც. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchanne... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.