თბილისის საერთაშორისო თეატრალური ფესტივალის კლუბის პროგრამა 2017

ფესტივალის კლუბი და კლუბის პროგრამა - ფესტივალის განსაკუთრებული ნაწილია. პირველად ფესტივალის კლუბი 2009 წელს წარვადგინეთ, საკმაოდ გაუბედავად. მაგრამ მაყურებელმა, კლუბის სტუმრებმა მეტი სითამამისკენ გვიბიძეგს და ნელ-ნელა კლუბის პროგრამა „ წელში გაიმართა“ ფესტივალის მეგობრებისა და საუკეთესო მუსიკოსების დახმარებით. მეტიც - წელს ფესტივალის კლუბი „პრემიერასაც“ კი გვთავაზობს. კლუბის ატმოსფერო ჩვენთან ყოველთვის განსაკუთრებულია - საღამოები სპექტაკლების მერე; განსაკუთრებული საუბრები ხელოვნებაზე; თეატრზე; ემოციისგან დაცლა დისკუსიით და გაზიარებით; ღვინის თანხლებით და სექტემბრის განუმეორებელი ხიბლით - შესანიშნავი დრო გელით. მაშ ასე - ფესტივალის კლუბი „სტრადა“ | მისამართი: კოტე მარჯანიშვილი #5 ღვინო - ვინივერია   / tbilisiinternational   http://tbilisiinternational.com