სასმელი წყლის პრობლემა რუსთავში

ბოლო პერიოდში რუსთავში სასმელი წყლის მიწოდების შეფერხებამ სისტემატური ხასიათი მიიღო. სხვადასხვა მიზეზით, ქალაქს სასმელი წყალი ცხელი ზაფხულის პერიოდში რამდენიმე დღითაც კი უწყდება. დღეს მთელი რუსთავი წყლის გარეშე 12 საათის განმავლობაში დარჩა. რუსთავის მერმა პრობლემის მოგვარების მოთხოვნით დღეს სემეკს წერილობით მიმართა. ნინო ლაცაბიძე ამბობს, რომ მანამდე მას რამდენიმე დახურული შეხვედრა ჰქონდა წყალმომარაგების კომპანიის თანამშრომლებთან, თუმცა უშედეგოდ. GWP-ის რუსთავის სერვისცენტრში მედიასთან კომენტარს არ აკეთებენ. სემეკი-ს თავმჯდომარის, დავით ნარმანიას განცხადებით, პრობლემის საბოლოოდ აღმოფხვრას რამდენიმე წელი დასჭირდება, თუმცა გადაუდებელი საჭიროებებისთვის, აქტიური სამუშაოები მიმდინარე წელს განხორციელდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.