დატბორილი სახლები და მაღაზიები ბარნოვისა და პეტრიაშვილის ქუჩებზე

ბარნოვისა და პეტრიაშვილის ქუჩებზე გაწმენდითი სამუშაოები ინტენსიურ რეჟიმში გრძელდება. ვერაზე წყლის მილი გამთენიისას გასკდა, რის შედეგად საცხოვრებელი სახლების პირველი სართულები, სარდაფები და კომერციული ფართები დაიტბორა. დაზიანდა ტექნიკა და საყოფაცხოვრებო ნივთები. თითქმის სრულად არის განადგურებული მიმდებარე ტერიტორიაზე არსებული საცხობებისა და სალონების ინვენტარი. სამაშველო ბრიგადები ამოტუმბვით სამუშაოებს ახორციელებენ. ბარნოვის ქუჩაზე დროებით შეზღუდულია საავტომობილო მოძრაობა. ადგილზე იმყოფებოდა „ჯორჯიან უოთერ ენდ ფაუერის“ ხელმძღვანელი. მისი განმარტებით, ზარალის დათვლა მიმდინარეობს. პროცესის დასრულების შემდეგ კი კომპანია მიყენებული ზიანის ანაზღაურების პირობას დებს. რაც შეეხება წყლის მიწოდებას, წყალმომარაგება სამუშაოების დასრულებისთანავე, 4 თებერვლის დილის 09:00 საათიდან აღდგება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.