ნიკო კვარაცხელიას მკვლელობის საქმე

ნიკო კვარაცხელიას მკვლელობაში ბრალდებულები დუმილის უფლებით სარგებლობენ. ალეკო ჭელიძე და გიორგი კავილაძე რუსთავის სასჯელაღსრულების დაწესებულებაში იმყოფებიან და ჩვენების მიცემაზე უარს ამბობენ. თუმცა ვერაზე, 15 სექტემბერს მომხდარი შემზარავი დანაშაულის საქმის მასალები ორივე მათგანმა მოითხოვა. დღეს ცნობილი ხდება მათი 22-დღიანი ძებნის და დაკავების ახალი გარემოებები. როგორც ირკვევა, ანჯაფარიძის ქუჩაზე კვარაცხელიას მოკვლის შემდეგ ბრალდებულები კავილაძის კუთვნილ მაღაზიაში წავიდნენ და ტანსაცმელი გამოიცვალეს. გავრცელებული ცნობით, 22 დღის განმავლობაში ბრალდებულებმა კვალის არევის მიზნით სამალავი რამდენჯერმე გამოიცვალეს, ბოლოს ისინი წყნეთში, წერეთლის ქუჩაზე მდებარე მიტოვებულ საცხოვრებელ სახლს აფარებდნენ თავს. სახლის ჩხრეკისას მათ პირად ნივთებში ცივი იარაღი იპოვეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.