რომაული ფესტივალი გონიოს ციხეში

გონიოს ციხეში რომაული ფესტივალი გაიხსნა. ტერიტორიაზე გაცოცხლდა ძველი რომის სწორედ ის ეპოქა, როდესაც გონიო-აფსაროსის ციხესიმაგრე აშენდა.  ტერიტორიაზე მოეწყო რომაული ბანაკი, გამოიფინა იმდროინდელი საბრძოლო და საყოფაცხოვრებო იარაღების ასლები. ძველი რომის გარემო შექმნეს ძველ რომაულ ტანისამოსში გამოწყობილმა მსახიობებმა. ქართული საბრძოლო ხელოვნების სპორტსმენებმა წარმოადგინეს გლადიატორების ორთაბრძოლები. ფესტივალის ორგანიზატორია აჭარის კულტურული მემკვიდრეობის დაცვის სააგენტო. ფესტივალის ფარგლებში ეწყობა ასპარეზობები ქართულ ჭიდაობაში, ცხენოსნობასა და მშვილდოსნობაში. ფესტივალი გონიოს ციხეში ორ დღეს გაგრძელდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.