მკვლელობა კიკეთში

მკვლელობა კიკეთში. ორზე მეტი პირის მიმართ დამამძიმებელ გარემოებებში ჩადენილი განზრახ მკვლელობის მცდელობისა და ცეცხლსასროლი იარაღის უკანონო შეძენა-შენახვა-ტარების ბრალდებით, ერთი პირია დაკავებული. გამოძიებით დადგინდა, რომ ბრალდებულმა, ყოფით ნიადაგზე მომხდარი ურთიერთშელაპარაკებისას, ავტომატური ცეცხლსასროლი იარაღიდან გასროლით 6 პირი დაჭრა, მათგან ერთი 1971 წელს დაბადებული პირი საავადმყოფოში მიყვანამდე გარდაიცვალა. დანაშაულის შემდეგ, ბრალდებული ადგილიდან მიიმალა, თუმცა ის პოლიციამ მომხდარიდან რამდენიმე წუთში დააკავა. დანაშაული 16-დან 20 წლამდე ან უვადოდ თავისუფლების აღკვეთას ითვალისწინებს. მკვლელობისა და დაჭრის ფაქტზე საგამოძიებო მოქმედებები კიკეთში გვიან ღამემდე მიმდინარეობდა. ადგილზე რამდენიმე საათის განმავლობაში სამართალდამცავები და ექსპერტ-კრიმინალისტები მუშაობდნენ. საგამოძიებო მოქმედებების შედეგად, პოლიციამ დანაშაულის იარაღი - ავტომატური ცეცხლსასროლი იარაღი ამოიღო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.