ზუგდიდში პოლიციან „ნაციონალური მოძრაობის“ რამდენიმე წევრი დააკავა
04/11/2019
Maestro Television-ის
მიერ
ხმაური იყო ზუგდიდში - პოლიციამ ნაციონალური მოძრაობის პრესსამსახურის უფროსი გიორგი პატარაია, ზუგდიდის ორგანიზაციის თავმჯდომარე ანი წითლიძე და ერთ-ერთი აქტივისტი მანუჩარ ჩხეტია დააკავა. პარტიაში აცხადებენ, რომ სოფელ ურთაში სანდრა რულოვსის საარჩევნო კამპანიისას, მათ ავტომანქანით უცნობები უთვალთვალებდნენ და ცდილობდნენ შეხვედრისთვის ხელი შეეშალათ. მათივე ინფორმაციით, როდესაც მორიგ შეხვედრაზე სოფელ ნარაზენში მიდიოდნენ, მათ კვლავ მანქანით აედევნენ, რის შემდეგაც ნაციონალური მოძრაობის წევრებმა უცნობი ავტომობილი გააჩერეს და იმის გარკვევა სცადეს, თუ ვინ, და რა მიზნით უთვალთვალებდათ. ადგილზე პოლიციის მისვლის შემდეგ სიტუაცია დაიძაბა, იყო სიტყვიერი დაპირისპირებაც, რის შემდეგაც სამართალდამცველებმა ნაციონალური მოძრაობის სამი წევრი დააკავეს. ინციდენტში მონაწილეთაგან ორი - გიორგი პატარაია და ანი წითლიძე გამოკითხვის შემდეგ, ხელწერილის საფუძველზე გაათავისუფლეს.
Facebook: https://bit.ly/2IqEzpx
Instagram: https://bre.is/px2j78UIi
Facebook: https://bit.ly/2IqEzpx
Instagram: https://bre.is/px2j78UIi
