„მართლმადიდებელი თეოლოგების დეკლარაცია „რუსული სამყაროს“ სწავლების შესახებ“

ილიას სახელმწიფო უნივერსიტეტის რელიგიის კვლევების სტუდენტებისთვის 11 აპრილს გაიმართა ჰიბრიდული სემინარი თემაზე „მართლმადიდებელი თეოლოგების დეკლარაცია „რუსული სამყაროს“ სწავლების შესახებ“. დეკლარაციის ტექსტის ქართული ვერსია იხილეთ: https://bit.ly/3JdVoA6 დეკლარაციას, რომელმაც საერთაშორისო ყურადღება დაიმსახურა, ქართველმა თეოლოგებმაც მოაწერეს ხელი. სემინარზე ისინი სტუდენტებს განუმარტავენ, რატომ არის დეკლარაციის ტექსტი მნიშვნელოვანი უკრაინაში მიმდინარე ომის ფონზე. სემინარში ვირტუალურად მონაწილეობა მიიღო დეკლარაციის ტექსტის ერთ-ერთმა ავტორმა, უკრაინელმა მართლმადიდებელ თეოლოგმა, სტოკჰოლმის წმინდა ეგნატეს სახელობის მართლმადიდებელი ინსტიტუტის პროფესორმა, მღვდელი კირილე ჰოვორუნი. დეკლარაციაზე ხელისმომწერთაგან ვებინარში მონაწილეობა მიიღეს: გოჩა ბარნოვი, საბას უნივერსიტეტის პროფესორი, ჰუმანიტარულ და სოციალურ მეცნიერებათა ფაკულტეტის დეკანი; თამარ გრძელიძე, ილიას სახელმწიფო უნივერსიტეტის რელიგიის კვლევების პროგრამის ასოცირებული პროფესორი; ლეონიდე ებრალიძე, საქართველოს მართლმადიდებელი ეკლესიის მღვდელი, პაპის ლატერანის (რომი, იტალია) უნივერსიტეტის მიწვეული პროფესორი მართლმადიდებელი თეოლოგიის მიმართულებით; გურამ ლურსმანაშვილი, თეოლოგიის დოქტორანტი, საბაუნის თეოლოგიისა და ფილოსოფიის ინსტიტუტის დირექტორი. დეკლარაციის მნიშვნელობაზე კომენტარს გააკეთებს რელიგიის კვლევების პროფესორი მალხაზ სონღულაშვილი. სტუმრის სტატუსით ვებინარში მონაწილეობას მიიღებს ლვოვის უკრაინის კათოლიკური უნივერსიტეტის ლექტორი, თეოლოგი პავლო სმიცნიუკი.