11-12 ივლისს ბათუმი საერთაშორისო კონფერენციას უმასპინძლებს

11-12 ივლისს ბათუმი „აღმოსავლეთ პარტნიორობის“ 10 წლის იუბილესადმი მიძღვნილ მაღალი დონის საერთაშორისო კონფერენციას უმასპინძლებს. საქართველოს საგარეო საქმეთა მინისტრის ინფორმაციით, ღონისძიებას მაღალი დონის სტუმრები დაესწრებიან. მათ შორის იქნებიან ევროპული საბჭოს პრეზიდენტი, ევროკომისარი ჰუმანიტარული დახმარებისა და კრიზისების მართვის საკითხებში, ესტონეთის პრემიერ-მინისტრი, ასევე ევროკავშირის და პარტნიორი ქვეყნების რვა საგარეო საქმეთა მინისტრი. დავით ზალკალიანის თქმით, კონფერენციაზე წარმოდგენილი იქნება როგორც აღმასრულებელი ხელისუფლების, ისე საკანონმდებლო ორგანოს ხელმძღვანელობა. ამასთან, კონფერენციის ფარგლებში ხელი მოეწერება საფინანსო შეთანხმებებს, კერძოდ, საქართველოსა და ევროკავშირს შორის ხელი მოეწერება ორ საფინანსო შეთანხმებას, დოკუმენტები ევროკავშირის მიერ საქართველოსთვის ჯამში 47 მილიონ ევრომდე დახმარებას ითვალისწინებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.