ავტობანის მშენებლობაზე მომუშავე მძღოლების მოთხოვნა

ცენტრალური ავტობანის მშენებლობაზე მომუშავე 11 მძღოლი კომპანია „სინო ჰიდროსგან“ ნამუშევარი თანხის ანაზღაურებას ითხოვენ. მძღოლები ამბობენ, რომ კომპანიამ კონკრეტული პირობით აიყვანა და 15 დღეში 3500 ლარი უნდა მიეღოთ ანაზღაურების სახით. მათი ინფორმაციით, მძღოლებმა მუშაობა აზერბაიჯანის მოქალაქე ბელა მუსტაფაევასთან სიტყვიერი შეთანხმების საფუძველზე დაიწყეს და ჩინურ კომპანიასთან ხელშეკრულება გაფორმებული არ აქვთ. მძღოლები ამბობენ, რომ კომპანიამ თანხა შუამავალს დაურიცხა. ამ წუთებში 11 მძღოლი, რომლებიც სავარაუდოდ თაღლითური გარიგების მსხვერპლნი არიან, შინაგან საქმეთა სამინისტროს შიდა ქართლის პოლიციის დეპარტამენტის ხაშურის რაიონულ სამმართველოში არიან დაკითხვაზე. პოლიციაში ასევე იმყოფებიან კომპანია „სინო ჰიდროს“ წარმომადგენლები. დაზარალებულმა მძღოლებმა აქცია კომპანიის შენობასთან ხაშურში გამართეს. პოლიციაში კი ისინი დაკითხვაზე ჩინური კომპანიის მიერ პოლიციის გამოძახების შემდეგ გადაიყვანეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.