ვახო სანაიაზე თავდასხმის საქმე

ტელეკომპანია „ფორმულას“ ჟურნალისტ ვახო სანაიაზე თავდასხმის საქმე -  ბრალდებული სამი პირი კვლავ პატიმრობაში რჩება. დღევანდელ სხდომაზე ადვოკატებმა ბრალდებულების, გიორგი სახელაშვილისა და სულიკო საყევარიშვილს თავდებით გათავისუფლების შუამდგომლობა დააყენეს და 2 300 ხელმოწერა წარმოადგინეს. ამასთან, დაცვის მხარის განმარტებით, ბრალდებულ გიორგი სახელაშვილის ჯანმრთელობის მდგომარეობა ციხის პირობებში დამძიმდება. თუმცა მოსამართლემ   ადვოკატების შუამდგომლობა არ დააკმაყოფილა.  მომდევნო პროცესზე მხარეები საქმეში არსებულ მტკიცებულებებს წარმოადგენენ. პროცესის დაწყებამდე კი ხმაური იყო საქალაქო სასამართლოს ეზოში. სიტყვიერი დაპირისპირება ეზოში გია გაჩეჩილაძის გამოჩენას მოყვა. „ნაციონალური მოძრაობის“ ერთ-ერთმა მხადამჭერმა, გაჩეჩილაძის მისამართით განაცხადა, რომ ის ყოველთვის მოძალადეების მხარეს არის. გია გაჩეჩილაძემ კი მას პროვოკატორი უწოდა. შეგახსენებთ რომ  მოძრაობა „აი იას“ დამფუძნებლებმა სასმართლოს საბოლოო გადაწყვეტილებამდე ბრალდებულების თავდებით გათავისუფლება მოითხოვეს. სამართალდამცავებმა ჟურნალისტ ვახო სანაიას მიმართ, მისი პროფესიული საქმიანობის გამო განხორციელებული დევნისა და დისკრიმინაციის ნიშნით შეუწყნარებლობის მოტივით, მუქარის ფაქტზე სამი პირი დააკავეს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.