საქართველო ტრეფიკინგის წინააღმდეგ ბრძოლის კუთხით უმაღლეს საფეხურზე მოხვდა

2016 წლის 30 ივნისს აშშ-ს სახელმწიფო დეპარტამენტმა ადამიანით ვაჭრობის (ტრეფიკინგის) წინააღმდეგ, მსოფლიოს მასშტაბით, სხვადასხვა სახელმწიფოს მიერ განხორციელებული ღონისძიებების შეფასების შესახებ მორიგი ანგარიში გამოაქვეყნა. დოკუმენტში აშშ-ს სახელმწიფო დეპარტამენტის მიერ შეფასებული 176 სახელმწიფოდან საქართველო ადამიანით ვაჭრობის (ტრეფიკინგის) წინააღმდეგ მებრძოლი ქვეყნების შეფასების უმაღლეს საფეხურზე - ე.წ. „პირველ კალათაში“ მოხვდა. შეფასების კრიტერიუმების მიხედვით, ის ქვეყნები, რომლებიც საანგარიშო პერიოდში სრულად ასრულებენ ადამიანით ვაჭრობის (ტრეფიკინგის) მსხვერპლთა დაცვის აქტით (TVPA) გათვალისწინებულ მინიმალურ მოთხოვნებს, აშშ-ის დეპარტამენტის შეფასების „პირველ კალათაში“ იკავებენ ადგილს. ქვეყნები, რომლებიც სრულად ვერ ასრულებენ მინიმალურ მოთხოვნებს, თუმცა ახორციელებენ მნიშვნელოვან ძალისხმევას, შეფასების „მეორე კალათაში“ განთავსდებიან. „მესამე კალათაში“ კი ხვდებიან ის ქვეყნები, რომლებიც ვერ აკმაყოფილებენ მინიმალურ სტანდარტებს და აღნიშნულის მისაღწევად არ ასრულებენ შესაბამის სამუშაოებს. სიახლის სრულად სანახავად გადადით შემდეგ ბმულზე: http://gov.ge/s/38cbc