სოფელ ჩანგილარის მოსახლეობა აქციას მართავს

კასპის მუნიციპალიტეტის სოფელ ჩანგილარის მოსახლეობა ცენტრალურ მაგისტრალთან აქციას მართავს. მოსახლეობა მაგისტრალთან დამაკავშირებელი გზის გახსნას და მრუდე ჩასასვლელის გაკეთებას ითხოვს. მაგისტრალთან გზა საგზაო დეპარტამენტმა ერთი კვირის წინ ჩაკეტა, რის გამოც სოფელ ჩანგილარის მოსახლეობას ერთი კილომეტრის გავლა ფეხით უწევს. ადგილობრივები ძველი გასასვლელის აღდგენას ითხოვენ. აქციის მონაწილეებს ადგილობრივი ხელისუფლების წარმომადგენლები შეხვდნენ. შიდა ქართლის რწმუნებულის მოადგილე სიმონ გულედანი აცხადებს, რომ მოსახლეობის უსაფრთხოებიდან გამომდინარე აქ ვერ მოეწყობა მრუდე ჩასასვლელი, საგზაო დეპარტამენტთან შეთანხმებით კი მოხდება განხილვა და ალტერნატიული გზის გამოძებნა. ადგილზე იმყოფებიან სამართალდამცველები. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.