ესტონეთი ვიზების მქონე რუსეთის მოქალაქეებს ქვეყანაში არ შეუშვებს

ესტონეთი 18 აგვისტოდან რუსეთის მოქალაქეებისთვის შენგენის ტურისტული ვიზების გაცემას შეწყვეტს. შესაბამისი გადაწყვეტილება, რომელიც ესტონეთის ხელისუფლებამ ერთი კვირის წინ მიიღო, ქვეყნის საგარეო საქმეთა სამინისტროს ვებგვერდზეა გამოქვეყნებული. ქვეყანაში შესვლა აეკრძალება რუსეთის იმ მოქალაქეებსაც, რომლებსაც ესტონეთის საკონსულოს მიერ გაცემული შენგენის მოქმედი ვიზა აქვთ. სააგენტო „როიტერის“ ცნობით, ასეთია რუსეთის 50 ათასამდე მოქალაქე. „ჩვენ შევზღუდავთ შენგენის ყველა ვიზას, რომელიც ამჟამად მოქმედია, ჰუმანიტარული და ოჯახურ საკითხებთან დაკავშირებული მიზნებით გაცემული ვიზების გარდა“, – განუცხადა „როიტერს“ ესტონეთის საგარეო საქმეთა მინისტრმა, ურმას რეინსალუმ. მისი თქმით, მთავრობა განიხილავს რუსეთის ყველა მოქალაქისთვის ესტონეთ-რუსეთის საზღვრის მთლიანად დახურვას. გამონაკლისი იქნება დაშვებული სტუდენტებისთვის, რომლებსაც შესაძლებლობა ექნებათ ესტონეთში ყოფნის ვადა ერთი წლით გაახანგრძლივონ. ყოველდღიურად, ესტონეთში რუსეთის 2 500 მოქალაქე გადადის, მათი დაახლოებით ნახევარი შენგენის ვიზით მოგზაურობს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.