დაკავება ქურდული სამყაროს წევრობის ბრალდებით

ქურდული სამყაროს წევრობის და კანონიერი ქურდისადმი მიმართვის ბრალდებით სამი პირი დააკავეს სამართალდამცველებმა. მათ შორის ერთი კრიმინალური ავტორიტეტია. ისინი პოლიციამ სასამართლოს განჩინების საფუძველზე,  ქუთაისში, წყალტუბოსა და ზესტაფონში აიყვანა. გამოძიების ინფორმაციით, ერთ-ერთი დაკავებული გ. გ. და მისი ძმა, ზესტაფონში ავტოსადგურებს ფლობენ. მიმდინარე წლის ოქტომბრის თვეში კი გ.გ.-მ კანონიერი ქურდების დახმარებით, მისი ძმის ბიზნესის ხელში ჩაგდება გადაწყვიტა და ამისათვის კრიმინალურ ავტორიტეტებს მიმართა. ჩადენილი დანაშაული 9-დან 15 წლამდე  ვადით თავისუფლების აღკვეთას ითვალისწინებს. გამოძიება გრძელდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.