პენტაგონმა „ღირსეული პარტნიორის“ სწავლება გადადო

საქართველოს თავდაცვის მინისტრი პენტაგონის მიერ მიღებულ გადაწყვეტილებას გაუგებარს უწოდებს. ირაკლი ჩიქოვანი იმ ინფორმაციას გამოეხმაურა, რომლის მიხედვითაც აშშ „ღირსეული პარტნიორის“ სწავლებას საქართველოში განუსაზღვრელი ვადით გადადებს. შტატების თავდაცვის დეპარტამენტის მიერ გავრცელებულ განცხადებაში აღნიშნულია, რომ ცვლილება ორმხრივი ურთიერთობების ყოვლისმომცველი გადახედვის ფარგლებში განხორციელდება და 2024 წლის 25 ივლისიდან 6 აგვისტომდე დაგეგმილი სწავლება გაურკვეველი პერიოდით გადაიდება. როგორც თავდაცვის დეპარტამენტში განმარტავენ, „ღირსეული პარტნიორის“ გადადება აშშ-ის და დასავლეთის სხვა ქვეყნების წინააღმდეგ საქართველოს მთავრობის ბრალდებას უკავშირდება იმის შესახებ, რომ საქართველოზე ზეწოლა ხდება რუსეთის წინააღმდეგ მეორე ფრონტის გახსნისთვის. ამასთან, განცხადებაში ასევე ნათქვამია, რომ მმართველმა პარტიამ დასავლეთი გადატრიალების ორ მცდელობაში დაადანაშაულა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.