ბრიფინგი „ქართულ ოცნებაში“

საარჩევნო სისტემასთან დაკავშირებით, ხელისუფლებასა და ოპოზიციას შორის მიღწეულ შეთანხმებაზე, ამ წუთებში განცხადება კეთდება „ქართულ ოცნებაში“. რამდენიმეთვიანი მოლაპარაკებების შემდეგ, კონსენსუსი მიღწეულია - უმრავლესობა და ოპოზიცია კონკრეტულ საკითხებზე შეთანხმდნენ. გადაწყვეტილება ასეთია - მომავალ არჩევნებზე მოქალაქეები 120 დეპუტატს პროპორციული, 30-ს კი მაჟორიტარული წესით აირჩევენ, ბარიერის გადასალახად, მხოლოდ ერთპროცენტიანი მხარდაჭერაა საჭირო, თუმცა, მთავრობის დასაკომპლექტებლად, პარტიას ნდობა 40%-ზე მეტმა ამომრჩეველმა უნდა გამოუცხადოს. მიღებული გადაწყვეტილებით, ორივე მხარე კმაყოფილია. თუმცა, საბოლოო პასუხისთვის დრო ითხოვეს ფრაქცია „დამოუკიდებელმა დეპუტატებმა“. რაც შეეხება ცვლილებებს, ინიცირება პარლამენტში მიმდინარე კვირაში, 11 მარტს მოხდება. ასევე, კონსტიტუციური ცვლილებისთვის აუცილებელია სახალხო განხილვის მოწყობაც, რის შემდეგაც პროექტი მსჯელობისა და დამტკიცებისთვის ისევ საკანონმდებლო ორგანოს დაუბრუნდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.