ომის 111-ე დღე უკრაინაში

სევეროდონეცკსა და ლისიჩანსკისთან ინტენსიური საბრძოლო მოქმედებები ამ წუთებშიც მიმდინარეობს. ოკუპანტები დასახლებების დაკავებას უკვე რამდენიმე კვირაა ცდილობენ. სევეროდონეცკთან დამაკავშირებელი ყველა ხიდი დანგრეულია. ქალაქიდან ევაკუაცია და ჰუმანიტარული ტვირთის ჩატანა შეუძლებელია. სევეროდონეცკის ნაწილი უკრაინელების კონტროლის ქვეშ რჩება. რუსეთის მიერ გახსნილი ცეცხლის სამიზნე აღმოჩნდნენ ლისიჩანსკში მყოფი უკრაინის საზოგადოებრივი მაუწყებლის ჟურნალისტები. მათი გადარჩენა და გამოყვანა უკრაინელმა სამხედროებმა შეძლეს. დაშავებულები არ არიან. დაბომბვის პირობებში, ქალაქში დაახლოებით 15 ათასამდე სამოქალაქო პირი რჩება. ამასთან, უკრაინის შეიარაღებული ძალების ცნობით, გასული დღე-ღამის განმავლობაში დაიბომბა მიკოელაევის, ხერსონისა და ხარკოვის ოლქები. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.