მოსამართლეობის კანდიდატების მოსმენა

უზენაესი სასამართლოს მოსამართლეობის კანდიდატთა მოსმენა პოლიტიკური უთანხმოების ფონზე მიმდინარეობს. დეპუტატების და არასამთავრობო ორგანიზაციების შეკითხვებს ამჯერად ბიძინა სტურუამ და ლაშა ქოჩიაშვილმა უპასუხეს. პროცესი ხმაურიანი აღმოჩნდა. მესამე სექტორის რამდენიმე წარმომადგენლის შეკითხვებმა სტურუას გაღიზიანება გამოიწვია. სიტუაცია განსაკუთრებით მაშინ დაიძაბა, როცა მოსამართლეობის კანდიდატს ე.წ. კლანზე და სისტემურ პრობლემებზე ჰკითხეს. იურიდიულ საკითხთა კომიტეტში ოპოზიციის ადგილები დღესაც ცარიელი იყო. შარლ მიშელის შეთანხმების ხელმომწერი ოპოზიციური პარტიების უმრავლესობა 19 აპრილს ხელმოწერილი დოკუმენტის დარღვევის მოტივით პროცესს ბოიკოტს უცხადებს. კანდიდატების შერჩევის შეჩერება და კენჭისყრის გადადება ოპოზიციის მთავარ მოთხოვნად რჩება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.