ვითარება უკრაინაში

უკრაინის შეიარაღებული ძალების კონტრშეტევები გრძელდება. ქვეყნის თავდაცვის სამინისტროს ინფორმაციით, ხარკოვის ოლქში უკვე 3800 კვადრატული კილომეტრი ტერიტორია გაათავისუფლეს, რომელიც დაახლოებით 300 დასახლებულ პუნქტს მოიცავს. ლუგანსკის ოლქის ადმინისტრაციის ცნობით, უკრაინის შეიარაღებული ძალები უკვე ლუგანსკის ოლქის ადმინისტრაციულ საზღვართან არიან. დღესვე გავრცელდა ინფორმაცია, რომ რუსეთის საოკუპაციო ძალებმა ქალაქი კრემენნაია დატოვეს, რომელსაც აპრილიდან აკონტროლებდნენ. გავრცელებული ცნობით, რუსეთი დაკავებული და უკრაინასთან მოსაზღვრე რეგიონებიდან მოსახლეობის ევაკუაციას იწყებს. ბრძოლის ველზე განცდილი წარუმატებლობის მიუხედავად, რუსეთი სარაკეტო დარტყმებს არ წყვეტს. ინტენსიურად იბომბება ხარკოვის, სუმის და ხერსონის ოლქები. გრძელდება დონეცკის ოლქის დაბომბვაც. უკრაინის თავდაცვის მინისტრის მოადგილე აცხადებს, რომ რუსები იარაღის და ცოცხალი ძალის თვალსაზრისით უპირატესობას ფლობენ, უკრაინელები კი რუსებს ინტელექტუალურად სჯობნიან. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.