ვინ უერთდება ზურაბიშვილის პლატფორმას

სალომე ზურაბიშვილისა და ოპოზიციის შეხვედრები მიმდინარე კვირაშიც გაგრძელდება. „ერთობის პლატფორმა მომავლისთვის“ - ამ გაერთიანების ქვეშ პრეზიდენტს რამდენიმე ოპოზიციონერი ლიდერი უკვე ესაუბრა. ხელისუფლების ოპონენტების ნაწილი ზურაბიშვილის მოწოდებას იზიარებს და ამბობს, რომ ახალი პლატფორმა ქვეყნის ევროპული მომავლისთვის მნიშვნელოვანია. მათი თქმით, შეხვედრების მიზანი არა პოლიტიკური გადაჯგუფება, არამედ კონკრეტული სამოქმედო დოკუმენტის შემუშავებაა. ოპოზიციის მეორე ნაწილი კი, ზურაბიშვილის ინიციატივას სკეპტიკურად უყურებს. პარტია „საქართველოსთვის“ შეხვედრაზე მისვლას არ აპირებს. მმართველ გუნდს კი მიაჩნია, რომ ოპოზიციის გაერთიანების მცდელობა ფასადურია და მას პერსპექტივა არ აქვს. „ქართულ ოცნებაში“ არც პრეზიდენტის საპარლამენტო არჩევნებში ჩართვას გამორიცხავენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.