საქართველოსა და ლიეტუვას შორის კიბერუსაფრთხოების დეკლარაცია გაფორმდა

საქართველოსა და ლიეტუვას შორის კიბერუსაფრთხოების დეკლარაცია გაფორმდა. დოკუმენტს თავდაცვის მინისტრებმა მოაწერეს ხელი. თანამშრომლობის მემორანდუმის გაფორმებას ორივე ქვეყნის პრეზიდენტი ესწრებოდა. დეკლარაცია ორმხრივი ურთიერთობების დამყარებას ითვალისწინებს, მიზანი კი ამ მიმართულებით არსებული გამოწვევების გამოვლენა და კომპლექსური ღონისძიებებით მათი გადაჭრაა. ლიეტუვაში სალომე ზურაბიშვილის ვიზიტი გრძელდება. პრეზიდენტი უკვე შეხვდა ლიეტუვის რესპუბლიკის პრეზიდენტს, პრემიერ-მინისტრსა და სეიმის თავმჯდომარეს. ყველა შეხვედრაზე, რომელიც ოფიციალური ვიზიტის ფარგლებში შედგა, ხაზი გაესვა იმ ფაქტს, რომ ლიეტუვა არის და რჩება საქართველოს ერთგულ მხარდამჭერად, როგორც ტერიტორიული მთლიანობის, ისე ევროპულ და ევროატლანტიკურ სტრუქტურებში საქართველოს ინტეგრაციის გზაზე. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.