„გურჯი-ხათუნი“ პრემიერა რუსთაველის თეატრში

14 ნოემბერს, 19:00 საათზე საქართველოს კულტურისა და ძეგლთა დაცვის მინისტრი მიხეილ გიორგაძე რუსთაველის თეატრში სპექტაკლის „გურჯის ხათუნი“ პრემიერას დაესწრება. საქართველოს კულტურისა და ძეგლთა დაცვის სამინისტროსა და თბილისის მერიის კულტურული ღონისძიებების ცენტრის მხარდაჭერით ერთმოქმედებიანი თანამედროვე ბალეტი დათო ტურაშვილის რომანის მიხედვით ქორეოგრაფმა მარიამ ალექსიძემ დადგა. ბალეტი ცნობილი ქორეოგრაფისა და პედაგოგის გიორგი ალექსიძის დაბადებიდან 75 წლის იუბილეს ეძღვნება. 24 წლის შემდეგ ეს არის პირველი შემთხვევა, როდესაც დრამატურგის, ქორეოგრაფის, მხატვრისა და კომპოზიტორის ერთობლიობით იქმნება საავტორო თანამედროვე ქართული ბალეტი. ახალი საბალეტო დადგმის იდეა, დათო ტურაშვილის ისტორიულ რომანთან არის დაკავშირებული და თამარ მეფის შვილიშვილს, გურჯი-ხათუნს ეძღვნება, რომელიც ცამეტი წლის ასაკში რუმის, იგივე კონიის სულთანზე გაათხოვეს. კონიის ქართველი დედოფალი გასაოცარი სილამაზის, სათნოების, სიკეთისა და სიბრძნის გამო ყველამ შეიყვარა. გურჯი ხათუნის სახელობის ქუჩა კონიაში დრემდე არსებობს. http://www.culture.gov.ge/ http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045