კორონავირუსი - ეპიდემიოლოგიური ვითარება საქართველოში

კორონავირუსის ახალი შემთხვევების მზარდი ტენდენცია გრძელდება. ქვეყანაში ეპიდემიოლოგიური მდგომარეობა საყურადღებოა. ინფიცირებულთა დღევანდელი მონაცემი 20-ს ასცდა. „კოვიდ-19“ 23 ადამიანს დაუდასტურდა, რაც 14 აგვისტოს შემდეგ, ყველაზე მაღალი მაჩვენებელია. მათ შორისაა ბათუმის ერთ-ერთი საკონდიტრო მაღაზიის ორი თანამშრომელი, რის გამოც ობიექტის დახურვა და ადგილზე დასაქმებულთა იზოლაციაში გადაყვანა გახდა საჭირო. დაავადებულთა კონტაქტები 70-ზე მეტია. ახალი კორონავირუსი დაფიქსირდა სახელმწიფო უსაფრთხოების სამსახურშიც - დაინფიცირებულია სუს-ის თანამშრომელი, 38 ადამიანი კი კარანტინში იმყოფება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.