პრემიერ-მინისტრის ინტერვიუ

კიდევ ერთი თემა, რომელზეც ირაკლი ღარიბაშვილმა ტელეინტერვიუში ისაუბრა, გიორგი გახარიაა. ყოფილ თანაგუნდელსა და ექს-პრემიერს ღარიბაშვილი შეცდომასა და მოღალატეს უწოდებს. ღარიბაშვილის განცხადებით, გიორგი გახარიას რეკომენდაცია გია ხუხაშვილმა გაუწია და ბიძინა ივანიშვილმა მას ნდობა გამოუცხადა. ირაკლი ღარიბაშვილი ოპოზიციაში გადასული გახარიას მიერ შინაგან საქმეთა მინისტრობის პერიოდში ჩატარებულ სპეცოპერაციებს ნეგატიურად აფასებს. მისი განცხადებით, მთელი მმართველი გუნდი აღშფოთებული იყო 20 ივნისს განვითარებული მოვლენებით. ასევე, ნეგატიურად აფასებს პანკისის ხეობაში ჩატარებულ სპეცოპერაციას, თუ ღამის კლუბებში ჩატარებულ რეიდს. თუმცა, მთავრობის მეთაურს არ დაუკონკრეტებია, რატომ დაინიშნა გიორგი გახარია პრემიერ-მინისტრად, თუ მის მიერ ძალოვანი უწყების ხელმძღვანელად მუშაობის პერიოდში განხორციელებული ქმედებები დამაზიანებელი იყო სახელმწიფოსა და პარტია „ქართული ოცნებისთვის“ და რატომ ამართლებდა მმართველი გუნდი მის ქმედებებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.