ომი უკრაინაში - 301 დღე

ომის 301-ე დღე უკრაინაში - 24 საათში უკრაინელმა სამხედროებმა 500-ზე მეტი რუსი ოკუპანტი და რუსეთის არმიის კუთვნილი 12 საარტილერიო სისტემა გაანადგურეს. ამასთან, უკრაინის შეიარაღებულმა ძალებმა ათი დარტყმა მიიტანეს რუსეთის არმიის ცოცხალი ძალისა და ტექნიკის შეკრების ადგილებზე. მოიგერიეს იერიშები 25 დასახლებულ პუნქტზე. მათ შორის ხარკოვის, დონეცკისა და ლუგანსკის ოლქებში. დონეცკის ოლქში მდებარე უგლედარსა და ტორსკზე რუსეთის სარაკეტო დარტყმებს ორი მშვიდობიანი მოქალაქე ემსხვერპლა და რვა დაშავდა. რუსეთმა განახორციელა ხუთი სარაკეტო და 16 საავიაციო დარტყმა. 61-ჯერ გაისროლა ზალპური ცეცხლის რეაქტიული სისტემებიდან. შედეგად, ყველაზე მეტად დაზარალდა ქალაქები ხერსონი და ვოლჩანსკი. გრძელდება რუსეთის არმიის დარტყმები ქალაქ ბახმუტსა და ავდეევკაზეც. ოკუპანტების სამიზნე ასევე გახდა ქალაქი კურახივი. დაჭრილია ერთი ადამიანი, დაზიანებულია ორი ხუთსართულიანი საცხოვრებელი სახლი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.