ინფიცირებულების ჯანმრთელობის მდგომარეობა იმერეთში

ქუთაისში კორონავირუსისთვის დამახასიათებელი სიმპტომებით პაციენტების მიღებას ჩხობაძის სახელობის კლინიკის გარდა, რომელსაც ცხელების ცენტრის ფუნქცია აქვს მინიჭებული, კიდევ ოთხი სამედიცინო დაწესებულება შეძლებს. ამ ფუნქციას თავის თავზე კლინიკა „ბომონდი“, „ჰოსპიტალსერვისი“, რეგიონული კლინიკური საავადმყოფო და „მედიქალსითი“ აიღებენ. ფეხმძიმეებს კი, რომლებსაც ვირუსისთვის დამახასიათებელი სიმპტომები ექნებათ, „ბომონდი“ მოემსახურება. ქუთაისის ინფექციური საავადმყოფოდან დღეს სავარაუდოდ ორი პაციენტი გაეწერება. ამის შესახებ პირველ არხს კლინიკის მთავარმა ექიმმა განუცხადა. თეიმურაზ ნადირაძის თქმით, პაციენტებს უკვე ჩაუტარდათ ტესტები და პასუხები უარყოფითია. კლინიკაში „კოვიდ-19“ დიაგნოზით 24 პაციენტია მოთავსებული, მათგან ერთი გუშინ მიიღეს. ახალგაზრდა მამაკაცს თურქეთში მოგზაურობის ისტორია აქვს და ის კარანტინიდან არის გადაყვანილი. პაციენტებს შორის ოთხი საშუალო სიმძიმისაა, დანარჩენების მდგომარეობა დამაკმაყოფილებელია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.