მიწისძვრის გამო უსახლკაროდ დარჩენილი 85 წლის მარტოხელა ქალი რაჭიდან
07/03/2021
Mtisambebi / მთის ამბები-ის
მიერ
© https://mtisambebi.ge/ - ზამთარში, როცა აცივდება, ღამეებს სხვაგან ათევს. მუდმივად მცხოვრები ორი მეზობელიღა შერჩენია და მათ აკითხავს. თუ ვინმემ არ შეიკედლა, თოვლისა და ქარბუქისგან გაყინულ მის ქოხს ღუმელი ვერ ათბობს - 85 წლის კაზდო გლოველი 30 წელია უსახლკაროა. ხარისთვალში მდებარე სახლი 1991 წელს, რაჭაში მომხდარმა მიწისძვრამ დაუნგრია. მალე ქმარ-შვილი დაეღუპა და მარტო დარჩა. მას შემდეგ, თავი მეზობელ სოფელში, შუა შქმერში, ქოხს შეაფარა და დღემდე ერთ თბილ ოთახზე ოცნებობს.
