ირაკლი ჩიქოვანის განცხადება

„ქართული ოცნება-დემოკრატიული საქართველოს“ ზუგდიდის მერობის კანდიდატის, გიორგი შენგელიას შტაბის ხელმძღვანელმა, ირაკლი ჩიქოვანმა ბრიფინგი გამართა. მან ჟურნალისტებს წარუდგინა ვიდეომასალა, სადაც მისი თქმით, სოფელ ჯიხაშკარში, ერთ-ერთ ოჯახში მიუყვარდნენ გაერთიანებული ოპოზიციის წევრები და ფიზიკური და სიტყვიერი შეურაცხყოფა მიაყენეს. ირაკლი ჩიქოვანმა სამართალდამცველებს მოუწოდა, ყველა მსგავსი ფაქტი შეისწავლონ. „ქართული ოცნების“ შტაბში მიაჩნიათ, რომ გაერთიანებული ოპოზიცია ასეთი ქმედებით ცდილობს ვითარების არევას. „ქართული ოცნების“ ბრალდებებს უპასუხეს გაერთიანებული ოპოზიციის შტაბში. აკაკი მინაშვილის თქმით, ინციდენტი ჯიხაშკარში სულ სხვაგვარად დაიწყო. იყო შეურაცხყოფა და მუქარები ქალების მიმართ და სწორედ ამის შემდეგ მოხდა ის ფაქტი, რაც „ქართული ოცნების“ შტაბში უჩვენეს ჟურნალისტებს. ორივე მხარეს მომხდარის საკუთარი ვერსია აქვს და ორივე მხარემ ჟურნალისტებს ვიდეომასალა მიაწოდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.